Gleðilegt ár…

Áramótin voru róleg hjá mér .

En ég fór samt í fínt enda þýðir ekki annað en að nota tækifærið og klæði sig upp 😉

En núna er ég búin að lofa sjálfum mér að vera dugleg í rækinni og borða hollt og svona !

Næ því örugglega í mánuð hehe…

Made with Repix (http://repix.it)IMG_9182Made with Repix (http://repix.it)IMG_9192

Auglýsingar
Gleðilegt ár…

Jól og flutningar

birtaVið stóðum í stórræðum fyrir jól og fluttum einu sinni enn, í þriðja skiptið á árinu. Ég mæli ekki með að flytja korter fyrir jól, ýmisir fastir liðir líkt og jólakort duttu út fyrir vikið. Næsta ár, verður tekið með trompi í jólakortagerð, ég hlakka mikið til að mæta aftur eftir nær 5 ára fjarveru í jólkortagerð hjá æskuvinkonu minni í Víkurbakka. En þrátt fyrir flutninga og annríkið sem fylgir þeim þá náði ég að græja mat, pakka, smákökur og jólatré, klikkaði reyndar á jóladúknum! Jólin voru róleg hjá okkur, við lögðumst öll í veikindi, sem betur fer ekki öll á sama tíma.

JólapakkarBestu pakkarnir þetta árið komu frá mömmu. Hún sendir okkur alltaf bækur yfir hafið svo hægt sé að lesa fram á nótt á aðfangadag. Í ár fengum við Við Jóhanna og Hrunið og heim aftur. Jónína Leósdóttir hefur verið í uppáhaldi hjá mér síðan ég var lítil og var að stelast í Nýtt Líf hjá mömmu. Mér fannst það bera vott um mikinn þroska hjá sjálfri mér þegar ég byrjaði að lesa ritstjórnarfulltrúapistlana hennar.

Það styttist í ritgerðarskil hjá Finni og samhliða því er doktorsgráðustress með því mesta um þessar mundir á heimilinu. Í stað þess að plana mögnuð áramót reynum við að púsla saman dagskránni þannig að Finnur geti lært sem mest.

Jól og flutningar

Síðustu dagar…

hafa verið annasamir

Cathrineholm

tengdamamma hefur verið hjá okkur í tvær vikur og við höfum farið vítt og breitt síðustu daga

Charleston
Charleston

haustlitirnir hafa glatt okkur

IMG_1825

við höfum borðað góðan mat og prófað nýja staði

Charleston

og Katrín Anna hefur notið þess í botn að hafa ömmu sína hjá sér.

Katrín Anna

Það er ekki laust við söknuð eftir öllu fólkinu okkar heima eftir svona góða heimsókn.

Síðustu dagar…

Sunnudagshugleiðingar

ballett

 

Það er draumur minn að verða það góð af gigtinni að geta hlaupið. Ég gerði mjög lítið af því áður en ég veiktist, ég leiddi hugann sjaldan að því og datt sjálfsagt aldrei í hug að sá dagur mundi renna upp að ég myndi þrá fátt jafnheitt eins og að getað hlaupið. Til þess að getað hlaupið þarf svo ótrúlega margt að vera til staðar, allskonar vöðvar og liðir sem þurfa að vinna með líkamanum og þola höggin sem fara í gegnum líkamann þegar fæturnir lenda á jörðinni. Í sumar byrjaði ég að æfa fyrir fimm kílómetra hlaup, hægt og örugglega og í vikunni tók ég mín fyrstu hlaupaskref í mörg ár. Þau voru fá og stóðu yfir í 30 dásamlegar sekúndur. Mér láðist að taka eftir því hversu marga metra ég fór en kannski í næsta skipti. Finnur mun hlaupa aðeins lengur í dag en hann ætlar að reyna við hálfmaraþon. Ég hlakka til þegar við getum hlaupið saman.

Sunnudagshugleiðingar

Haustdagar

Grasker

Veðrið leikur við okkur þessa daga þó byrjað sé að hausta hjá okkur. Þegar kemur að því að við flytjum heim þá spái ég því að við Finnur munum væla og skræmta yfir veðrinu alla daga, við erum bæði orðin algjörar kuldaskræfur eftir milda veðrið hér.

Enska

Tómstundastarf vetrarins er hafið hjá okkur mæðgum, okkur til mikillar gleði og ánægju. Ólýsandi hressandi að hitta annað fólk sem er eldri en tvævetra.

Dádýr

Dádýrin í garðinum okkar halda áfram að gleðja okkur með nærveru sinni. Katrín Anna elskar þau út af lífinu og skríkir af kátínu í hvert sinn sem þau láta sjá sig.

Haustdagar